Իսպանական հանրահայտ Marca պարբերականի փոխանցմամբ՝ Մադրիդի «Ռեալ»-ի նախագահ Ֆլորենտինո Պերեսը ակումբի զարգացման նոր նախագիծ է մշակել, որի հենասյուներն Իկեր Կասիլյասը, Սերխիո Ռամոսն ու Քրիշտիանու Ռոնալդուն են:
Հիշեցնենք, որ թիմը կիրկին չկարողացավ նվաճել Չեմպիոնների Լիգայի գավաթը, իսկ առաջնությունում չկարողացավ գերազանցել «Բարսելոնա»-ին: Թիմը կարող է նվաճել միայն Իսպանիայի Արքայի գավաթը, որտեղ դուրս է եկել եզրափակիչ:
Սակայն այդ մրցանակը ոչ մի կերպ չի կարող գոհացնել Պերեսին: Բացի այդ, ակումբում նախագահական ընտրություններ են սպասվում, իսկ Ֆլորենտինոն պետք է ներկայացնի իր նախագիծը:
Marca-ն տեղեկացնում է, որ ակումբը ոչ մի դեպքում բաց չի թողնելու Իկեր Կասիլյասին, ում Ժոզե Մոուրինյոն վերջին շրջանում թողնում է պահեստայինների նստարանին:
Ռոնալդուին նույնպես ակումբը բաց չի թողնելու, ով «Բորուսիա»-ի դեմ պատասխան խաղից առաջ հայտարարեց, որ իրեն չի հետաքրքրում Ժոզե Մոուրինյոյի ապագան: Պորտուգալացին նշել էր, որ ինքը մտահոգվում է միայն ակումբի ապագայով:
