Մեծ Բրիտանիայում մշակված համակարգչային նոր խաղը՝ Road Tour-ը, 10 ժամ խաղալու դեպքում երեք տարով երիտասարդանում է ուղեղը: Դրա էֆեկտները իրենց ազդեցությունը պահպանում են մեկ տարի: Խաղի դիզայներական աշխատանքներին մասնակցել են փորձագետներ: Խաղը ուղեղի մարզանք է: Խաղի հեղինակները հավաստում են, որ այն շատ ավելի արդյունավետ է, քան խաչբառ լուծելը: Այս մասին հայտնում է The Daily Mail-ը:
50 տարեկան և դրանից բարձր տարիքի մարդիկ այդ խաղը 10 ժամ խաղալուց մեկ տարի անց հետազոտվել են, ինչի արդյունքում պարզվել է, որ նրանց ուղեղը մեկ տարվա ընթացքում տարիքային ազդեցության չի ենթարկվել և շարունակում է մարզված մնալ:
Խաղը ճանապարհային երթևեկության ու դրա նշանների փոփոխման մասին է:
Չնայած խաղի դիզայնը պարզ է, այն լարում է ուղեղը, տեսողությունը, հիշողությունն ու ուշադրությունը:
Բաժանորդագրության նվազագույն ժամկետը մեկ ամիս է՝ 8 ֆունտ արժեքով, մինչդեռ մեկ տարվա բաժանորդագրության դեպքում ամսավճարը կազմում է 5 ֆունտ:
