Հետախուզությունների դաշնային բյուրոյի (ՀԴԲ) աշխատակիցները Միսիսիպի նահանգի Տուպելո քաղաքում ձերբակալել են ռիցին թույնով լի նամակ ուղարկելու գործով նոր կասկածյալի: Հիշեցնենք. մահացու վտանգավոր թույնով ծրարներ էին ուղարկվել նախագահ Բարաք Օբամային, կոնգրեսական Ռոջեր Ուիքերին և Միսիսիպի նահանգի դատավորներից մեկին: Այս մասին հաղորդում է TIAR-TASS-ը՝ վկայակոչելով քաղաքի ոստիկանության պետ Թոնի Քարլթոնին:
Շաբաթ օրը ՀԴԲ աշխատակիցների կողմից ձերբակալված Էվերեթ Դանշքեն մարտարվեստի հրահանգիչ է: Ոստիկանության պետը հայտարարել է, որ Դանշքեի որոնումները սկսվել են այն բանից հետո, երբ այս գործով նախորդ կասկածյալ Քևին Քերթիսը ցուցմունքի ժամանակ տվել է նրա անունը:
