Թուրքիայի ԱԳՆ-ը հայտարարել է, որ իրենք խորապես ափսոսում են 1915 թվականի դեպքերի վերաբերյալ ապրիլի 24-ին ԱՄՆ նախագահ Բարաք Օբամայի արած հայտարարության առնչությամբ: ԱԳՆ-ի փոխանցմամբ՝ իրենք դիտարկում են հայտարարությունը որպես խնդրահարույց՝ ամեն առումով, և որ նրանում պատմական փաստերը խեղաթյուրված են: Այս մասին հայտնում է Anadolu գործակալությունը:
Չորեքշաբթի Թուրքիայի ԱԳՆ-ը հայտնել է, որ «ցավոք սրտի,այս տարի ևս Օբաման դրսևորել է միակողմանի վերաբերմունք, որն արտացոլում է հայկական հայացքները՝ հայերի ու թուրքերի ընդհանուր պատմության ցավալի հատվածի վերաբերյալ»:
«Նման հայտարարությունները վնասում են թուրք-ամերիկյան հարաբերություններին, ավելին՝ դժվարացնում են հայերի ու թուրքերի համար արդար հիշողությունը վերականգնելու գործընթացը»,- ասված է ԱԳՆ հայտարարությունում:
Հաղորդվում է նաև, որ «կարևոր դաշնակից» ԱՄՆ-ից իրենց ակնակալում են «խնդրի կարգավորման համար կառուցողական քայլեր ու իրատեսական ու հաշտվողական լինելու հարցում հայկական կողմի քաջալերում»:
