2015 թվականի նոյեմբերի 13-15-ը անցկացվել է գնդակային հրաձգության երիտասարդների ՀՀ առաջնությունը, որին մասնակցել են 60 մարզիկ՝ Յուրի և Զինաիդա Սիմոնյանների անվան հրաձգության մարզադպրոցից, Երևանի հրաձգության մանկապատանեկան մարզադպրոցից (ԵՀՄՊՄԴ), Հրաձգության հանրապետական մարզադպրոցից (ՀՀՄԴ), Գյումրու քաղաքապետարանի հրաձգության մարզադպրոցից, ինչպես նաև Վանաձորի թիմը, տեղեկացնում է Հայաստանի Հանրապետության սպորտի և երիտասարդության հարցերի նախարարության պաշտոնական կայքը:
Հրաձիգներ Շանթ Սարգսյանը և Հովհաննես Խաչատրյանը մրցաշարի ընթացքում լրացրել են սպորտի վարպետի ցուցանիշ:
Հաղթող մարզիկները պարգևատրվել են դիպլոմներով, մեդալներով և դրամական պարգևներով: Դրամական պարգևների են արժանացել նաև հաղթող մարզիկների անձնական մարզիչները:
Ըստ մրցաձևերի երիտասարդների ՀՀ առաջնության հաղթողներ են դարձել՝
Օդամղիչ հրացան` տղաներ, 60 կրակոց – Հայկազ Քանքանյան (ԵՀՄՊՄԴ, անձնական մարզիչ՝ Անդրանիկ Այվազյան)
Օդամղիչ հրացան՝ աղջիկներ, 40 կրակոց – Մարիամ Միքայելյան (ԵՀՄՊՄԴ, անձնական մարզիչ՝ Անդրանիկ Այվազյան)
Օդամղիչ ատրճանակ՝ տղաներ, 60 կրակոց – Զավեն Իգիթյան (ՀՀՄԴ, անձնական մարզիչ՝ Խորեն Իգիթյան)
Օդամղիչ ատրճանակ՝ աղջիկներ, 40 կրակոց – Սուսաննա Ներսիսյան (ԵՀՄՊՄԴ, անձնական մարզիչ՝ Նորա Նիկողոսյան)
Օդամղիչ հրացան՝ վազող թիրախ, նորմալ վազք՝ տղաներ, 30 + 30 կրակոց – Արթուր Պետրոսյան (ԵՀՄՊՄԴ, անձնական մարզիչ՝ Գագիկ Մելոյան)
Օդամղիչ հրացան՝ վազող թիրախ, նորմալ վազք՝ աղջիկներ, 20 + 20 կրակոց – Գոհար Հարությունյան (ԵՀՄՊՄԴ, անձնական մարզիչ՝ Գագիկ Մելոյան)
Օդամղիչ հրացան՝ վազող թիրախ, խառը վազք՝ տղաներ, 2 x 20 կրակոց – Հովհաննես Խաչատրյան (Գյումրու քաղաքապետարանի հրաձգության մարզադպրոց, անձնական մարզիչ՝ Էդիկ Ղարիբյան)
Օդամղիչ հրացան՝ վազող թիրախ, խառը վազք՝ աղջիկներ, 2 x 20 կրակոց – Լիլիթ Մկրտչյան (ԵՀՄՊՄԴ, անձնական մարզիչ՝ Գագիկ Մելոյան)
Նշենք նաև, որ նոյեմբերի 20-22-ը տեղի կունենա Երևանի հրաձգության մանկապատանեկան մարզադպրոցի բաց առաջնությունը:








































