Լյուքսեմբուրգը նախատեսում է 2015-ից հանել բանկային գաղտնիքի ռեժիմը՝ Եվրամիության քաղաքացիների ներդրումների համար և դառնալ ԵՄ բանկային տվյալների փոխանակման երկրներից մեկը: Այս մասին հաղորդում է Ria Novosti-ն՝ վկայակոչելով երկրի վարչապետ Ժան Կլոդ Յունկերի խոսքերը:
«Մենք կարող ենք առանց էական վնասի 2015-ի հունվարի մեկից մեխանիկորեն կիրառել տվյալների փոխանակումը: Մենք կմիանանք համաշխարհային տենդենցներին: Լյուքսեմբուրգի ֆինանսական ոլորտն այնքան էլ ուժեղ չէ՝ կապված բանկային գաղտնիքի հետ»,- ասել է Յունկերը:
Եվրահանձնաժողովը ողջունել է այս որոշումը և հույս հայտնել, որ Ավստրիայի հետ բանակցությունները ևս նման արդյունքի կհանգեցնեն:
