Թե «Ոչ»-ի ճակատներն ինչ ռեսուրսներով և ինչպես են կարողանալու պայքարել այս իշխանությունների դեմ, «Առաջին լրատվական»-ը փորձեց հստակեցնել «Նոր Հայաստան» հանրային փրկության ճակատի նախաձեռնության անդամ Պետրոս Մակեյանից: Վերջինս նշեց, որ ամեն ինչ արվում է, որպեսզի իրենք չկարողանան օգտվել Հանրային հոռուստաընկերության անվճար եթերաժամերից:
«Ժողովրդի քանակն անհրաժեշտ է, բայց հիշենք, որ 2011թ. «Բարգավաճ Հայաստան»-ը, ՀԱԿ-ը մեծ թվով ժողովուրդ էին բերում հրապարակ, բայց այդ ժողովուրդը պատրաստ չէր քայլեր անելու»,- նշեց Պետրոս Մակեյանը և հավելեց. «Մեզ պետք է այն ժողովուրդը, այն վճռական կամքով ժողովուրդը, որ գալիս է հրապարակ պայքարելու, և ոչ թե գալիս է, կոպիտ ասած, ապահովելու տուսովկեն: Եթե գա այդ որակի հանրությունը, ապա վստահ եղեք, որ այս վարչախումբը հաշված օրերի, հաշված ժամերի ընթացքում այլընտրանք չի ունենա, քան օդանավերը, որոնք մի քանի անգամ աշխատեցրել են փախչելու համար, այս անգամ այդ խնդիրը կլուծվի»: