Webtv.am-ի տնօրեն Արայիկ Մանուկյանը գրել է.
«Անկեղծ ասած, Րաֆֆի Հովհաննիսյանի մասին այս ընթացքում երբեք չեմ ուզել խոսել: Անկեղծ ասած, այս պահին էլ Րաֆֆի Հովհաննիսյանի մասին խոսել չեմ ուզում: Այս պահին ամենալավ բնորոշումը հին իմաստության վերաձեւակերպումն է`Րաֆֆիի մասին կամ լավ, կամ` ոչինչ:
Կարծում եմ Րաֆֆի Հովհաննիսյանի մասին խոսելու ժամանակը դեռ կգա. մենք սիրում ենք անցյալի մասին խոսել: Միայն ափսոս`Րաֆֆիի համար, որ հերոսի լուսապսակն այդ խոսակցություններում չի լինելու, առավել եւս` նահատակված հերոսի:
Րաֆֆին մեր պետության քսանամյա պատմության հերթական փուլն էր`այս հավատավոր, այս նվիրված, այս ազնիվ, այս գաղափարի, այս հուսացող, այս միամիտ, այս ճարահատ ժողովրդին հանճարեղորեն խաբելու, նվաստացնելու, ստորացնելու հերթական փուլը, հերթական փուլի հերթական խաղացողը:
Որքա~ն բազմազավակ մայրեր ու հայրեր կան Հայաստանի հարուստ ու աղքատ գյուղերում, որ իրենց հրաշք փոքրիկների օրը քաղցած են մթնեցնում ու նախագահ դառնալու ու ժողովուրդ առաջնորդելու հավակնություններ չունեն: Ու, անշուշտ, նենգորեն սխալվում են բոլոր նրանք, ովքեր կատարվածի մեջ ուզում են ժողովրդին տեսնել:
Ամիսներ առաջ «Առավոտ» օրաթերթում հրապարակել էի «Իսկ ի՞նչ պիտի աներ «էս ժողովուրդը», որ չի արել…» հոդվածը: Ցավալիորեն, ավելացնելու մի բան ունեմ միայն`Րաֆֆի Հովհաննիսյանի փետրվարի 18-ից ապրիլի 9-ը»:
Լուսանկարը՝ PanARMENIAN Photo-ի
