Բնական աղետների թիվն աշխարհում կարող է մինչ 2050 թվականը քառակի ավելանալ, իսկ դրանց հետևանքով հասցված վնասը մեծանալ 9 անգամ՝ կարծում են ոլորտի առաջատար գիտնականները։ Այս մասին հայտնել են Մոսկվայում անցկացվող «Վթարների ու տարերային աղետների ռիսկերի կառավարման գլոբալ և ազգային ռազմավարությունները» միջազգային կոնգրեսի մասնակիցները՝ փոխանցում է RIA Novosti-ն։
Վերջին տարիներին վտանգավոր բնական երևույթների և խոշոր տեխնածին աղետների թիվն անշեղորեն աճում է։ Արտակարգ իրավիճակների ռիսկերը, որոնք առաջանում է կլիմայի գլոբալ փոփոխության և գյուղատնտեսական գործունեության գործընթացում, զգալի սպառնալիք է կրում բնակչության և տնտեսության օբյեկտների համար։
Վերջին 20 տարում աշխարհում տեխնածին և բնական աղետներին զոհ է գնացել ավելի քան 3 մլն մարդ, ևս ավելի քան 800 մլն մարդ տուժել են։
