Mirror-ը հայտնում է, որ «Չելսի» վերադառնալու դեպքում պորտուգալացի մասնագետ Ժոզե Մոուրինյոն ցանկանում է տարեկան 12 մլն եվրո ստանալ: Պորտուգալացի մասնագետի պարտադիր պահանջներն են նաև Ֆրենկ Լեմպարդի հետ պայմանագրի ժամկետի երկարաձգումն ու Չեմպիոնների Լիգայի գավաթի խաղարկության խմբային փուլի որակավորումը:
Լրատվամիջոցի տեղեկությունների համաձայն` Ռոման Աբրամովիչը շահագռգռված է, որ Մոուրինյոն «Չելսի» վերադառնա և արդեն դադարեցրել է Լեմպարդի և «Լոս Անջելես Գելեքսի»-ի բանակցությունները:
Հիշեցնենք, որ պորտուգալացի մասնագետը բազմիցս հայտարարել է, որ ընթացիկ մրցաշրջանն իր համար վերջինը կլինի «Ռեալ»-ի գլխավոր մարզչի պաշտոնում: Մոուրինյոյի ծառայություններով է հետաքրքրված նաև «Պարի Սեն-Ժերմեն»-ը:
Հավելենք, որ Մոուրինյոն գլխավորել է «Չելսի»-ն 2004 թվականին: Լոնդոնյան ակումբում 3տարի աշխատելու ընթացքում պորտուգալացին 2 անգամ դարձել է Անգլիայի Պրեմիեր Լիգայի հաղթող և նվաճել Անգլիայի Լիգայի գավաթը, ինչպես նաև Անգլիայի գավաթակիր դարձել:
