Հոլիվուդյան հայտնի դերասան Ջոնի Դեպը սեպտեմբերին երկու համերգով հանդես կգա հայտնի ռոքեր և վոկալիստ Էլիս Կուպերի և կիթառահար Ջո Փերիի հետ: Այս մասին հայտնում է NBC հեռուստաալիքը:
Նշվում է, որ Ջոնի Դեպը կդառնա Էլիս Կուպերի Hollywood Vampires հայտնի ռոք-խմբի ժամանակավոր անդամը: Դեպը կիթառ կնվագի, նաև մի շարք մասեր կկատարի՝ որպես բեք-վոկալիստ:
Դեպի մասնակցությամբ համերգները տեղի կունենան այս տարվա սեպտեմբերի 16-ին և 17-ին՝ հոլիվուդյան Roxy Theatre հայտնի գիշերային ակումբում: Այնուհետև խումբն ամբողջ կազմով կմեկնի Բրազիլիա՝ երաժշտական փառատոնի, որտեղ սեպտեմբերի 24-ին համերգ կտա Ռիո դե Ժանեյրոյում:
Հայտնի է, որ բացի Hollywood Vampires-ի օրիգինալ երգերից՝ Ջոնի Դեպի մասնակցությամբ խումբը կկատարի The Who խմբի My Generation և The Doors խմբի Break on Through հիթերը:
Միաժամանակ, Hollywood Vampires-ը սեպտեմբերի 11-ին կթողարկի իր նոր ալբոմը, որի աշխատանքներին, բացի Ջոնի Դեպից, մասնակցել են նախկին բիթլ Փոլ Մաքարթնին, Դևիդ Գրոլը՝ Foo Fighters-ից, Սլեշը՝ Guns N’Roses-ից, Բրայան Ջոնսոնը՝ AC/DC-ից:
