Հոլանդացի հարձակվող Ռոբին վան Պերսին մեկնաբանել է տեղափոխությունը «Մանչեսթեր Յունայթեդ»-ից թուրքական «Ֆեներբահչե»։
«Ուրախ եմ լինել Ստամբուլում։ Այստեղ հանդես եմ գալու ֆանտաստիկ երկրպագուների ներկայությամբ։ «Ֆեներբահչե» տեղափոխությունը մեծ պատիվ է ինձ համար։ Կանեմ հնարավորը երկրպագուներին երջանկացնելու համար։
Հոլանդիայի հավաքականում 10 տարի խաղացել եմ Դիրկ Կայտի հետ։ Այստեղ ժամանելուց առաջ խոսել եմ նրա հետ։ Դիրկն ասաց, որ սա մեծ ակումբ է և պատմեց երկրպագուների մասին»,- նշել է Վան Պերսին։
Վան Պերսին 3 տարվա պայմանագիր է ստրագրել թուրքական ակումբի հետ։ «Յունայթեդ»-ը հարձակվողի տրանսֆերի դիմաց ստացել է 6․5 մլն եվրո։
