Ամերիկյան CBS News հեռուստաալիքի հաղորդավար Ռոբ Մորիսոնին մեղադրանք է ներկայացվել խեղդելու ճանապարհով իր կնոջը սպանելու փորձի, ինչպես նաև նրա հասցեին հնչած սպառնալիքների համար: Այդ մասին հաղորդում է The New York Daily News-ը:
Միջադեպը տեղի է ունեցել Դարիեն քաղաքում կիրակի երեկոյան: Հանցագործությունը իրականացվել է ամուսնական վեճի ժամանակ: Ոստիկանություն զանգահարել է Մորիսոնի զոքանչը:
Իրավապահ մարմինների աշխատակիցները հայտնաբերել են Էշլի Մորիսոնի վզին կարմիր հետքեր, որոնք խեղդելու փորձի հետևանքն են,- գրում է The Darien Times-ը: Ձերբակալման ժամանակ հաղորդավարը շարունակել է սպառնալ կնոջը:
Մորիսոնը ազատ է արձակվել 100 հազար դոլար գրավի դիմաց: Աշխատանքի վայրում նա և իր տիկինը չեն հայտնվել, իսկ Էշլին բժշկի չի դիմել: CBS-ը հրաժարվել է մեկնաբանությունից, իսկ հառուստահաղորդավարների ընտանիքը հայտարարել է, որ այդ գործի քննությունից հետո ի վերջո պարզ կդառնա, որ մեղադրանքը չափից ավելի ուռճացված է եղել: