Վրաստանի վարչապետ Բիձինա Իվանիշվիլին փետրվարի 18-ին իր 57-ամյակը կնշի սովորական աշխատանքային ռեժիմում: Այս մասին հայտնում է Gruziya Online-ը՝ հղում անելով Վրաստանի վարչապետի մամլո ծառայությանը: Այնտեղ նշել են, որ Իվանիշվիլին չի սիրում իր ծննդյան օրը նշել:
Այսօր նա մի քանի բաց և փակ հանդիպումներ կունենա, ինչպես նաև կհանդիպի գիտա-արտադրական միավորման ներկայացուցիչների հետ: Մամլո ծառայությունում նշել են, որ վարչապետի ծննդյան օրը փոփոխություններ չի մտցրել նրա աշխատանքային օրվա գրաֆիկում:
Հարկ է նշել, որ Իվանիշվիլին առաջին անգամ է իր ծննդյան օրը տոնում՝ որպես Վրաստանի վարչապետ:
