Մադրիդի «Ռեալ»-ի պաշտպան Սերխիո Ռամոսը «Մանչեսթեր Յունայթեդ»-ի դեմ խաղից առաջ հայտարարել է, որ դեմ չէր լինի ապագայում հանդես գալ Անգլիայի առաջնությունում:
«Ուրախ եմ, որ մրցելու ենք «Մանչեսթեր Յունայթեդ»-ի դեմ: Պատմության ու ավանդույթների առումով այդ ակումբը, երևի, նույն նշանակությունն ունի Պրեմիեր Լիգայի համար, ինչ «Ռեալ»-ը՝ Պրիմերայի:
Բացի այդ, ես հավանում եմ անգլիական ֆուտբոլը: Երբ դժվար պահեր էին իմ մոտ, առաջարկներ ստացա անգլիական ու իտալական ակումբներից, բայց հայրս մի անգամ ասաց.«Եթե երբևէ ուզենաս փոխել ակումբդ, ապա արա դա՝ շքամուտքից դուրս գալով ու գլուխդ բարձր պահած, այլ ոչ թե այն ժամանակ, երբ խնդիրներ ունես»:
Ես երազում եմ շարունակել խաղալ Իսպանիայում, բայց այն, որ Անգլիայի առաջնությունն ինձ գրավում է, ճիշտ է: Ընկերներս, որ խաղում են մառախլապատ ալբիոնում, դրական են արտահայտվում ԱՊԼ-ի մասին, այնպես որ դա ինձ համար նոր փորձառություն կլինի», – Ռամոսի խոսքերն է մեջբերում The Guardian-ը:
