Իրանի արտգործնախարար Մոհամմադ Ջավադ Զարիֆը հնարավոր է համարում միջուկային խնդրով արևմտյան երկրների «վեցյակի» հետ համաձայնագրի ձեռք բերումը։ Այս մասին հայտնում է Press TV-ն։
«Իմ կարծիքով՝ եթե հակառակ կողմը դրսևորի նույնպիսի քաղաքական կամք, որքան Իրանի Իսլամական Հանրապետությունը, համաձայնագրի ձեռք բերումը բարդ չի լինի»,- ասել է դիվանագետը բանակցությունների համար Շվեյցարիա ժամանելուց հետո։
Նրա խոսքով՝ «կա երկու հարց, որոնք պետք է քննարկել բանակցությունների այս փուլում։ Առաջինն այն խնդիրներն են, որոնք մինչ օրս լուծված չեն, և երկրորդը այն հարցերն են, որոնցով կան պայմանավորվածություններ, սակայն դրանց կատարման մանրամասները պատշաճ չեն քննարկվել»։
