Իսպանացի հանրահայտ հարձակվող Ռաուլն առաջին խաղն է անցկացրել «Նյու-Յորք Կոսմոս» թիմի կազմում: Ակումբն ընկերական խաղում ուժերն է չափել Հարավային Կորեայի հավաքականի հետ:
Թիմերը հանդիպել են օրացույցային Նոր տարվա կապակցությամբ Հոնգկոնգում կազմակերպված մրցաշարում, որն անցկացվում է 1948 թվականից:
Հիմնական ժամանակն ավարտվել է 2:2 հաշվով: Ռաուլը մասնակցել է ամբողջ հանդիպմանը, իրացրել հետխաղյա 11 մետրանոցը:
Հիշեցնենք, որ 37-ամյա հարձակվողն ամերիկյան ակումբի հետ պայմանագիր էր ստորագրել 2014թ. հոկտեմբերին: Պայմանագիրը կգործի 2 տարի:
Ռաուլը ստացել է 7 համարի մարզահագուստը: Այդ համարով հարձակվողը երկար տարիներ հաջողությամբ հանդես է եկել «Ռեալ»-ում: Բացի այդ, նա լինելու է ակումբի ակադեմիայի տնօրենը: Ակադեմիան կստեղծվի 2016թ.:
