ԱՄՆ Հանրապետական կուսակցությունից նախագահի հավանական թեկնածու Ջեբ Բուշը հրապարակել է արտաքին քաղաքականության հարցերով իր փորձագետների ցուցակը: Այդ ցուցակի 21 անձանցից 19-ը նախկինում աշխատել են Սպիտակ տանը՝ ավագ կամ կրտսեր Բուշերի վարչակազմերում: Այս մասին գրում է Reuters-ը:
Օրինակ՝ ցուցակում ընդգրկվել է Փոլ Վուլֆովիցը: Հենց նա է եղել 2003թ. Իրաք ներխուժման գլխավոր նախաձեռնողը: Թիմում է նաև Ջոն Հաննան՝ նախկին փոխնախագահ Դիք Չեյնիի օգնականը: Ջեբ Բուշի արտաքին քաղաքական խորհրդականների թվում է նաև Ջեյմս Բեյքերը՝ Ջորջ Բուշի օրոք պետքարտուղարը: