Ուկրաինայում ԱՄՆ նախկին դեսպան Ուիլյամ Թեյլորն ասել է, որ ռուսական ղեկավարությունը պետք է գիտակցի, որ Ուկրաինայի հակամարտության համար ավելին պետք է վճարել, քան նախատեսում էր, և այդ ժամանակ այն բանակցություններ կվարի: Իսկ դրա համար ԱՄՆ-ը պետք է աջակցի Ուկրաինային` գումարային և ռազմական պլանում, ինչպես նաև ընդլայնի պատժամիջոցները, որպեսզի երկրում Պուտինի համբավին հարվածի ոչ միայն բարդ տնտեսական դրությունը, այլև ծանր մարդկային կորուստները՝ գրում է RT-ն:
«Անհրաժեշտ է, որպեսզի Ռուսաստանի ղեկավարությունը, պարոն Պուտինը մասնավորապես խոստովանի, որ այդ ագրեսիան, Ուկրաինա այդ ներխուժումը իր վրա ավելի թանկ կնստեն, քան ինքը պատրաստ էր վճարել: Նա դեռևս այդ եզրակացությանը չի հանգել: Սակայն նրա տնտեսությունը սարսափելի վիճակում է, և քաղաքականության մեջ նրա մոտ ամեն ինչ վատ կլինի, երբ պարզ դառնա, որ Ռուսաստանում կենսական չափանիշներն անկում կապրեն կամ ռուս զինվորները կմեռնեն կամ մեռնում են Ուկրաինայում: Դա բացասաբար կազդի նրա ժողովրդականության վրա»,- ասել է Թեյլորը:
Նախկին դեսպանի խոսքերով`ապստամբներին հաջողվում է այդքան վնասել Ուկրաինային, որովհետև աջակցություն են ստանում Ռուսաստանի կողմից:
«Ես կարծում եմ, որ հակամարտությունը վերջիվերջո կլուծվի ռազմական ճանապարհով: Իսկ պետք է լինի այսպես` Ռուսաստանի համար պետք է հասկանալի դառնա, որ ինքը չի կարող հաղթել ռազմական միջոցներով: Պարոն Պուտինի համար պետք է պարզ լինի, որ այն գինը, որը նա վճարում է ի դեմս զոհված զինվորների, իր տնտեսության ճգնաժամի, նշանակում է, որ բանակցությունների միջոցով ինքը ստիպված կլինի զորքերը դուրս բերել Ուկրաինայից»,- եզրափակել է Թեյլորը: