Ճապոնիայի ամենամեծ տպաքանակն ունեցող «Յոմիուրի սիմբուն» թերթն ընթերցողներից ներողություն է խնդրել Երկրորդ համաշխարհային պատերազմի ժամանակ ճապոնական ռազմական հասարակաց տներ տարված կորեուհիների հասցեին «սեքսուալ ստրկուհիներ» արտահայտությունն օգտագործելու համար: Այս մասին հայտնում է Bloomberg գործակալությունը:
Թերթը համարել է, որ այդ արտահայտությունն «անտեղի է», ընդ որում՝ խոսքը 1992-2013թթ. թողարկված 97 նյութերի մասին է: Թերթի էլեկտրոնային արխիվում յուրաքանչյուր հոդվածին այդ սխալի բացատրությամբ ծանոթագրություն կավելացվի, նշում է գործակալությունը:
Ճապոնիայի ազգայնականները հերքում են Կորեայից Ճապոնիայի հասարակաց տներ մոտ 200 000 կանանց տանելու հարկադիր բնույթը, որտեղ նրանց ստիպել են սպասարկել ճապոնական բանակի զինծառայողներին:
Չնայած դրան՝ 1993թ. Ճապոնիան ճանաչել է այդ կանանց նկատմանբ բռնության փաստը և պաշտոնապես ներողություն է խնդրում:
