Ֆրանսիայի նախկին նախագահ Նիկոլա Սարկոզին նախընտրական քարոզարշավի ընթացքում կատարված ծախսերի թույլատրելի չափի գերազանցման մասին պետական հանձնաժողովի որոշումը բողոքարկել է Սահմանադրական խորհրդում:
Դեկտեմբերի վերջին քաղաքական գործունեության իրականացման համար ֆինանսավորում ապահովող ազգային հանձնաժողովը չկ ընդունել Սարկոզիի կողմից ներկայացրած հաշիվները` հայտարարելով, որ նախկին նախագահի նախընտրական քարոզարշավի համար կատարված ծախսերն իրականում ավելի մեծ են եղել:
Հայտարարագրի համաձայն՝ 2012 թ. նախագահական աթոռի համար պայքարի ընթացքում Սարկոզին ծախսել է 21,3 մլն եվրո, որը չի գերազանցում 2-րդ փուլ անցած թեկնածուի պայքարի համար նախատեսված 22,5 մլն եվրո գումարը: Երկրի Ընտրական օրենսգրքի համաձայն՝ Սարկոզին այդպիսով կարող էր ակնկալել 10,8 մլն եվրոյի չափով փոխհատուցում, սակայն այդ գումարի վճարումը վտանգված է: Պետական հանձնաժողովում համարում են, որ ընդհանուր գումարի մեջ պետք է ներառված լինեն նաև հանրային ելույթների և այլ երկրներ այցերի ժամանակ կատարված ծախսերը, որոնք նախագահի թեկնածուն կատարել է մինչ պաշտոնավարման 2-րդ ժամկետի (2012 թ. փետրվարի 15) համար նրա թեկնածության պաշտոնական առաջադրումը:
Եթե բողոքարկումից հետո էլ hանձնաժողովը չընդունի Սարկոզիի ներկայացրած հաշիվները, ապա նախկին նախագահի «Միություն ազգային շարժման համար» կուսակցությունը որևէ փոխհատուցում չի ստանա:
