Մադրիդի «Ռեալ»-ի դարպասապահ Իկեր Կասիլյասը հայտարարել է, որ չի պատրաստվում ավարտել մարզական կարիերան:
«Ստահոդ լուրեր միշտ կան, բայց չնայած դրանց, ես շարունակում եմ խաղալ «Ռեալ»-ում: Երբեք այլ ակումբ տեղափոխվելու հնարավորություն չի եղել, քանի որ չեմ մտածել այդ մասին:
Բոլոր մարզիչներս ասել են, որ ինքս պետք է որոշեմ՝ երբ ավարտել ելույթներս «Ռեալ»-ում: Կարծում եմ՝ «Ռեալ»-ում կխաղամ մինչև 40 տարեկան: Ինձ ուժեղ եմ զգում ու լավ մարզավիճակում եմ:
Դարպասապահը, ով լավ է մարզվում ու հոգատար է իր նկատմամբ, կարող է խաղալ մինչև 38 տարեկան: Ինչ վերաբերում է Իսպանիայի հավաքականին, վստահ կարող եմ ասել, որ այնտեղ խաղալու եմ առնվազն մինչև 2016թ.»,- Կասիլյասի խոսքերը մեջբերում է The Guardian-ը:
