Օգոստոսի սկզբին գիտական ամսագրում հրապարակված հոդվածը, որը ապացուցում էր, որ Ֆլորես կղզուց հոմինիդը առանձին տեսակ չէ, այլ ուղղակի Դաունի սինդրոմով Homo sapiens, միջազգային գիտական հասարակության մեջ բուռն քննադատությունների է արժանացել, հաղորդում է The Guardian-ը:
Ամենախիստ քննադատությունների է արժանացել PNAS-ի խմբագրությունը, քանի որ հոդվածի հեղինակներից մեկը ԱՄՆ-ի Գիտությունների ազգային ակադեմիայի անդամ է:
Բուռն քննարկումների առիթ դարձած կմախքը հատնաբերվել է 2003-ին Ինդոնեզիայի Ֆլորես կղզու Լիանգ Բուրա քարանձավում: Շատ գիտնականներ կարծում են, որ հայտնաբերվել է Homo առանձին տեսակի ներկայացուցիչ, սակայն մյուսները փորձում են ապացուցել, որ դա բնածին արատով տառապող ժամանակակից մարդ է:
