Միլանի «Ինտեր»-ի նախկին պաշտպան Մարկո Մատերացին իր կարծիքն է հայտնել Մադրիդի «Ռեալ»-ի գլխավոր մարզիչ Ժոզե Մոուրինյոյի մասին:
«Երբ Մոուրինյոն լքի «Ռեալ»-ը, բոլորը կհասկանան, թե ինչ է արել նա ակումբի համար: Երբեմն զրուցում եմ Մոուրինյոյի հետ և գիտեմ, որ նրա նպատակն է Չեմպիոնների Լիգայի հաղթող դառնալ: Նա կփորձի 10-րդ հաղթանակը պարգևել «Ռեալ»-ին այդ մրցաշարի շրջանակներում»,- ասել է Մատերացին:
Հիշեցնենք, որ իսպանական լրատվամիջոցներում լուրեր են շրջանառվում Մոուրինյոյի` «արքայական ակումբ»-ը լքելու մասին, սակայն պորտուգալացի մասնագետը հերքում է դրանք:
