Պերուի պաշտպանության նախարարությունը գնել է 20 KT-1 Woongbi ուսումնական ինքնաթիռ հարավկորեական Korea Aerospace Industries (KAI) ընկերությունից,- հաղորդում է Lenta.ru-ն:
Գործարքի արժեքը կազմել է 200 միլիոն դոլար: KAI-ն առաջին անգամ է ինքնաթիռների մատակարարման պայմանագիր ստորագրում լատինաամերիկյան երկրի հետ: Ընդ որում, կայացած վաճառքը KT-1 մատակարման թվով երրորդ արտահանման համաձայնագիրն է՝ Ինդոնեզիայից և Թուրքիայից հետո: Պայմանագրի համաձայն՝ չորս ինքնաթիռ կփոխանցվի Պերուին ամբողջական հավաքված ձևով, իսկ մնացած KT/KA-1 16 ինքնաթիռների արտադրությունը կիրականացվի Պերուի տարածքում:
KT-1 երկտեղանոց ինքնաթիռի արագությունը ժամում կարող է հասնել մինչև 574 կմ-ի: Այն կարող է թռիչքներ իրականացնել մինչև 1.3 հազար կմ հեռավորության վրա:
