Լոնդոնի «Արսենալ»-ի գլխավոր մարզիչ Արսեն Վենգերը հայտարարել է, որ չի պատրաստվում փոխել իր թիմի խաղաոճը և «զինագործներ»-ը կշարունակեն հարձակվողակա ֆուտբոլ ցուցադրել:
«Մեր թիմում ընդգրկված են հարձկվողական ոճի բազմաթիվ խաղացողներ և համակարգը ենթադրում է, որ մենք հարմարվելու ենք ֆուտբոլիստների խաղային որակներին: Պարզապես խաղում ենք` շեշտը դնելով մեր ուժեղ կողմերի վրա, բայց, ցավոք, միշտ չէ, որ դրական արդյունքի ենք հասնում:
Պետք է պահպանենք մեր խաղաոճը` երբեմն փոփոխություններ կատարելով: Վատն այն է, որ լավագույնների եռյակի դեմ խաղում մենք չկարողացանք լավ խաղ ցուցադրել պաշտպանության գծում:
Թիմի խաղաոճ փոխելը երկար ժամանակ պահանջող հարց է: Իհարկե, կարճ ժամկետում կարելի է ինչ-որ փոփոխություններ կատարել, բայց ամեն ինչ կախված է թիմի վստահ խաղից: Երբեմն ստիպված ես լինում զոհաբերել հարձակման գծի ներուժը` ավելի վստահ խաղ ցուցադրելու նպատակով»,- Goal. com-ը մեջբերում է Վենգերի խոսքերը:
