Սիրիայի իշխանությունները համաձայնել են առանց որևէ նախապայմանի իրաքցի բանտարկյալներին հանձնել Բաղդադին։ Այս մասին հայտնում է «Ալ-Ջազիրա» հեռուստաընկերությունը` հղում անելով Իրաքի արդարադատության նախարարությանը:
Երկու երկրների միջև այս առիթով համաձայնագիր է ստորագրվել: Իրաքցի բանտարկյալների թվում կան մարդիկ, ովքեր մասնակցել են Սիրիայի գործող կառավարության դեմ ցույցերին:
«Ալ-Ջազիրա»-ն նշում է, որ իրաքցի բանտարկյալների թիվը, որոնք կփոխանցվեն Բաղդադին, հասնում է մի քանի հազարի։
Երեքշաբթի օրը Սիրիայի նախագահ Բաշար Ասադը համաներում է հայտարարել, որը չի վերաբերի ապստամբներին:
Հիշեցնենք, որ Սիրիայում իշխանությունների և զինված ընդդիմության հակամարտությունը շարունակվում է 2011-ի մարտից: ՄԱԿ-ի տվյալներով` հակամարտության հետևանքով է 30 000 մարդ սպանվել է, ավելի քան 230 000 մարդ դարձել է փախստական, մոտ 3 միլիոնը հումանիտար օգնության կարիք ունի:
