Վրաստանի վարչապետի պաշտոնակատար Վանո Մերաբիշվիլին նշանակվել է «Ազգային միացյալ շարժման» (ԱՄՇ) գլխավոր քարտուղար: Այդ մասին հայտարարել է կուսակցության առաջնորդներից Դավիթ Բակրաձեն:
Ըստ նրա՝ տվյալ որոշումն ընդունվել է նախագահի` ԱՄՇ անդամների հետ հանդիպման ժամանակ:
«Քիչ առաջ է ավարտվել հանդիպումը նախագահի հետ, որին մասնակցում էին ինչպես թբիլիսյան քաղաքային ժողովի, այնպես ել ԱՄՇ խորհրդարանական ներկայացուցիչները: Ընդունվել է մի քանի որոշում: Դրանցից կարևորը այն է, որ կուսակցությունն ունենալու է նոր գլխավոր քարտուղար: «Ազգային միացյալ շարժումը» ղեկավարելու է Վանո Մերաբիշվիլին: Նա մեծ ներդրում ունի կուսակցության զարգացման գործում և ես նրան ցանկանում եմ լինել նույնպիսի հաջողակ այս պաշտոնում, ինչպես և իր վարած մյուս պաշտոններում է»,- հայտարարել է Դավիթ Բակրաձեն:
