Իսլամական հեղափոխության պահապանների կորպուսները (ԻՀՊԿ) ծրագիր են մշակում Պարսից ծոցում նավթային մեծ հանքավայրի պայթեցման ուղղությամբ` այնտեղ բնապահպանական աղետ հրահրելու նպատակով, հաղորդում է գերմանական Der Spiegel-ը:
Ըստ Der Spiegel-ի` «Կեղտոտ ջուր» անվանումով ծրագիրը մշակվել է ԻՀՊԿ-ի հրամանատար, գեներալ Մուհամմեդ Ալի Ջաֆարի և ԻՀՊԿ-ի ՌՕԾ ծովակալ Ալի Ֆադաֆիի հրամանով:
Ծրագիրը միանգամից մի քանի նպատակ է հետապնդում. Նախ` պայթյունի շնորհիվ Պարսից ծոցի մակերևույթին նավթի տարածման հետևանքով տարածաշրջանի արաբական պետություններում որոշ ժամանակով կդադարեցվեն ծովային մատակարարումները, ինչը պատժիչ միջոց կհանդիսանա Արևմուտքի և Իսրայելի նկատմամբ Իրանի դեմ հադես գալու համար: Երկրորդ` արևմտյան երկրները ստիպված կլինեն մեծածավալ միջոցառումներ իրականացնել աղտոտված տարածաշրջանի մաքրման համար, իսկ այդ աշխատանքները շատ դժվար կլինեն առանց Իրանի մասնակցության: Երրորդ` ԻՀՊԿ-ն հույս ունի, որ արդյունքում արևմտյան երկրները կդադարեցնեն Թեհրանի դեմ կիրառվող պատժամիջոցները:
Der Spigel-ը ներկայացնում է, որ մշակված ծրագիրն արդեն հանձնվել է իսլամական հանրապետության գերագույն առաջնորդ այաթոլա Ալի Խամենեիի հաստատմանը:
Իրանական ղեկավարությունը առայժմ չի մեկնաբանել գերմանական պարբերականի հաղորդագրությունը: