Երեկ Երևանի Ավան և Նոր Նորք վարչական շրջանների ընդհանուր իրավասության դատարանում «Հարսնաքարի» գործով հերթական դատական նիստի ժամանակ Վահե Ավետյանի իրավահաջորդի պաշտպան Տիգրան Եգորյանը ներկայացրել է թվով 20 միջնորդություն, ինչից հետո գործով մեղադրյալների փաստաբաններն ինքնաբացարկ են ներկայացրել դատավոր Դավիթ Հարությունյանին: «168 ժամ»-ը գրում է, որ ըստ նրանց, դատավորը կողմնապահ մոտեցում է ցուցաբերում տուժող կողմի նկատմամբ` թույլատրելով նրան դատական կարգի խախտմամբ միջնորդություն ներկայացնել:
Դատարանը խորհրդակցական սենյակում առանձնանալուց հետո որոշել է մերժել գործով մեղադրյալների փաստաբանների ինքնաբացարկը: Իսկ մեղադրյալ Գարիկ Մարգարյանի իրավապաշտպան Լուսինե Թովմասյանը դատարանում հայտարարել է, թե իրենց միջնորդությունը չբավարարելու դեպքում այլևս ինքնանպատակ է դառնում դատական նիստին իրենց մասնակցությունը: