Երեկ հայտնի դարձավ, որ «Գազպրոմ»-ի ղեկավարությունը հայտարարել է, թե իրենք շարունակում են Հայաստանի իշխանությունների հետ գազի գնի վերաբերյալ բանակցությունները: Այսինքն՝ «Գազպրոմ»-ի համար Սերժ Սարգսյանի և Մեդվեդևի պետերբուրգյան հանդիպման ժամանակ ձեռք բերված պայմանավորվածությունը գազի չթանկացման վերաբերյալ հիմք չի կարող հանդիսանալ:
Աժ պատգամավոր Վարդան Խաչատրյանը նշեց, որ գազի թանկացումը էապես կազդի նաև մյուս ապրանքների գների վրա:
ԱԺ ՀՀԿ խմբակցության պատգամավոր Գագիկ Մինասյանն էլ նկատեց, որ գազի գինը չի բարձրանա, իսկ սոցիալապես անապահով խավերի նկատմամբ հատուկ մոտեցում կկիրառվի, և դոտացիաներ կհատկացվեն:
Խաչատրյանի այն հարցին, թե՝ արդյո՞ք Մինասյանը հերքում է «Գազպրոմ»-ի ղեկավարության հայտարարությունը, Մինասյանը պատասխանեց, որ չի հերքում, բանակցությունները շարունակվում են, և դրանք, ի վերջո, հանգելու են նրան, որ ՀՀ քաղաքացիների համար գազի գինն այս տարի չի բարձրանալու: