Այսօր տեղի կունենա «Յուվենթուս» – «Շախտյոր» դիմակայությունը Չեմպիոնների լիգայի խմբային փուլի երկրորդ տուրի շրջանակներում: Սպորտային լրագրող Ալեքսանդր Կրիվիցկին հինգ փաստարկ է առաջ բերում, որոնք հօգուտ հյուրերի են:
1. 45 անպարտելի խաղերից հետո Թուրինի թիմը պետք է ինչ-որ բանով պատասխանի «Շախտյոր»-ին: Միրչա Լուչեսկուի թիմը, առաջնության մեկնարկից սկսած, տասն անընդմեջ հաղթանակ է տարել:
2. Այս մրցաշրջանի բոլոր տասներեք հանդիպումներում «Շախտյոր»-ն ընդհանուր 42 գոլ է խփել՝ ընդունելով միայն վեցը: Իհարկե, այդ խաղեում «Շախտյոր»-ի մրցակից թիմերը անհամեմատելի են «Յուվենթուս»-ի հետ, սակայն այն, որ «Շախտյոր»-ի հարձակումը բարելավվել է, անհերքելի է:
3. «Յուվենթուս»-ի մի մարզիչը որակազրկվել է պայմանավորված խաղեր անցկացնելու համար, մի մարզչին էլ սպանություն կատարելու մեղադրանք են ներկայացրել: Այս փաստը չի կարող դրական ազդել իտալական թիմի վրա:
4. «Շախտյոր»-ի՝ վերջին անգամ Իտալիա այցելությունն ավարտվել է 2:3 հաշվով հաղթանակով: «Հանքափորներ»-ն այդ հաղթանակը տարել են «Ռոմա»-ի դեմ խաղում:
5. Միրչա Լուչեսկուն իտալական թիմերի հանդեպ հաղթանակ տանելու փորձ ունի: 2011 թվականին թիմին հաջողվեց թեˊ սեփական դաշտում, թեˊ մրցակցի դաշտում հաղթանակ տանել «Ռոմա»-ի հանդեպ:
