Կապված համաշխարհային տաքացման հետ՝ 2050 թ. մարդկությունը կարող է բախվել օվկիանոսային ձկան պակասի հետ: Այսպիսի նախազգուշացմամբ է հանդես եկել «Nature Climate Change» -ի կիրակնօրյա համարում Կանադայի և ԱՄՆ-ի գիտնականների խումբը:
Նրանք համակարգչի միջոցով ստեղծել են այն պատկերը, թե համաշխարհային տաքացման արդյունքում Համաշխարհային օվկիանոսում ձկնային աշխարհի վրա ինչպիսին կլինի ազդեցությունը` ելնելով այն ենթադրություններից, որ 2100 թ. օդի միջին ջերմաստիճանը բարձրանալու է 2-5,4 աստիճանով: Հաշվարկների համաձայն՝ միաժամանակ բարձրանալու է նաև ջրի միջին ջերմաստիճանը, ինչի արդյունքում պակասելու է թթվածնի խտությունը ջրում, և ձկների մոտ 600 տարատեսակ կշիռը պակասեցնելու է:
Ավելի շատ փոքրանալու են Հնդկական Օվկիանոսի բնակիչները` 24 տոկոսով, Ատլանտյանում` 20 տոկոսով, իսկ Խաղաղ Օվկիանոսում` 14 տոկոսով:
«Եթե մենք չդադարեցնենք ջերմոցային գազերի արտանետումները մթնոլորտ, ապա հետևանքները ջրային էկոհամակարգերի համար ավելի կործանարար կլինեն, քան նախկինում ենթադրվում էր,- հայտարարել է գիտնականների խմբի անդամներից մեկը` ավելացնելով,- ձկների աճի համար անհրաժեշտ է թթվածին, և որքան ձուկը մեծանում է, թթվածնի պահանջն էլ ավելանում է: Ինչ-որ պահ թթվածնի՝ ջրում պակասելու արդյունքում ձկները ուղղակի կդադարեն գոյություն ունենալուց»: