Շախմատի միջազգային ֆեդերացիայի նախագահ Կիրսան Իլյումժինովը սեպտեմբերի 23-ին հայտարարել է Ուկրաինայում Շախմատի կուսակցություն հիմնադրելու մասին, տեղեկացնում է “Интерфакс” գործակալությունը :
«Կա դեմոկրատական կուսակցություն, կոմունիստական կուսակցություն, հիմա էլ Շախմատային կուսակցություն կլինի» ,- հայտարարել է Իլյումժինովը:
«Ինչո՞ւ հենց Ուկրաինան: Որովհետև այդ առաջարկությունը ստացվել է Կլյոսով գյուղից, որը հիմա կմտնի ոչ միայն սպորտի, այլև քաղաքականության պատմության մեջ »,- ասել է Իլյումժինովը: Նա ժամանել է Ուկրաինա, որպեսզի շախմատային ակադեմիա բացի:
Նա նաև ավելացրել է, որ Շախմատային կուսակցությունը կաշխատի ոչ միայն Ուկրաինայում, այլև ամբողջ աշխարհում: Կուսակցությունը քաղաքական չի լինի: «Նրա խնդիրն է երիտասարդ մարդու ինտեգրումը կյանքին, սովորեցնել մտածել և հաշվարկել սեփական քայլերը »,- ասել է Իլյումժինովը:
Նա նաև հայտարարել է, որ կուսակցության նշանաբանն է. «Մտածի՛ր հարվածից առաջ»:
ՖԻԴԵ-ի նախագահի կարծիքով՝ Շախմատային կուսակցության ստեղծումը կօգնի միացնել բոլոր մտածող մարդկանց, որոնց պակասի պատճառով են աշխարհում հակամարտություններ առաջանում: «2008-2009 թվականների ֆինանսական ճգնաժամը, և այն նոր ալիքը, որը կծածկի մնացած մյուս երկրները, առաջացել ոչ այն պատճառով, որ երկրի վրա նավթը կամ գազը չեն բավականացնում, այլ այն պատճառով, որ չեն բավականացնում մտածող մարդիկ»,- հայտարարել է նա:
