Բրազիլացի պաշտպան Դավիդ Լուիսը նոր` հնգամյա պայմանագիր է կնքել Լոնդոնի «Չելսի»-ի հետ: Այդ մասին տեղեկացնում է ակումբի պաշտոնական կայքը:
«Ուրախ եմ, որ նոր համաձայնագիր եմ ստորագրել «Չելսի»-ի հետ: Սա մեծ ակումբ է, և ես մտադիր եմ նոր մրցանակներ նվաճել այստեղ: Ցանկանում եմ երկար ժամանակ խաղալ բարձր մակարդակով, իսկ դա նշանակում է , որ հանդես եմ գալու «Չելսի»-ի կազմում: Ակումբում ինձ ամեն ինչ դուր է գալիս, հատկապես երկրպագուների աջակցությունը»,- հայտարարել է Լուիսը:
25-ամյա պաշտպանը, ով «արիստոկրատներ»-ի կազմում հանդես է գալիս 2011 թվականի հունվարից, մասնակցել է 59 հանդիպման` խփելով 5 գնդակ:
