Մադրիդի «Ռեալ»-ի և Պորտուգալիայի ազգային հավաքականի պաշտպան Կլեպեր Պեպեն «Սևիլիա» – «Ռեալ Մադրիդ» խաղից հետո խոսել է հանդիպման մասին:
«Գոլ ընդունեցինք հանդիպման հենց մեկնարկից՝ բարդացնելով մեր վիճակը: Հիմա «Բարսելոնա»-ից հետ ենք 8 միավորով: Այժմ ամենակարևորն այն է, որ «Սևիլիա»-ից պարտություն կրելուց հետո թիմը չկորցնի վստահությունը, այլ ավելի լավ հանդես գա:
Մեր մրցակիցը գերազանց էր պաշտպանվում: Ճիշտ է՝ մենք առավելություն ունեինք գնդակին տիրելու առումով, սակայն հազվադեպ էր հաջողվում ճեղքել թիմի պաշտպանությունը: Պայքար ենք մղելու մինչև վերջ, չէ՞ որ սա «Ռեալ Մադրիդ»-ն է»,- Realmadrid.com-ի փոխանցմամբ՝ ասել է Պեպեն:
