ՄԱԿ-ի նախկին գլխավոր քարտուղար Քոֆի Անանը BBC-ի հետ հարցազրույցում հայտնել է, որ աֆրիկյան առաջնորդները, որոնք իշխանության ղեկին են գտնվում չափազանց երկար, պետք է ականջալուր լինեն ժողովրդի բողոքական տրամադրություններին` հեղափոխությունից խուսափելու համար:
Դիվանագետի խոսքով` «արաբական գարունը» դարձել է աշխարհում ժողովրդավարության ձգտման վկայություն, այդ իսկ պատճառով պետությունների ղեկավարները պետք է հիշեն քաղաքացիների իրավունքների և ավտորիտար ռեժիմների հետ չհաշտվելու նրանց ցանկության մասին:
Անանը համաշխարհային առաջնորդներին կոչ է արել հապճեպ գտնել սիրիական հակամարտության կարգավորման «քաղաքական որոշում»` անցնող տարում սիրիական հարցը ՄԱԿ-ի կողմից կարգավորելու չկարողանալն անվանելով «ամոթալի»:
