Թուրքական Anadolu գործակալության փոխանցմամբ՝ Թուրքիայի էներգետիկայի ու բնական պաշարների նախարար Թաներ Յըլդըզը հայտարարել է, որ Անկարան մտադիր է զարգացնել ատոմային էներգիան. «Մինչև տարեվերջ կընդունվի երկրորդ ատոմակայանի կառուցման մասին որոշումը:
Ատոմային էներգիայի զարգացումը կնվազեցնի էլեկտրաէներգիայի ներկրումից երկրի ունեցած կախվածությունը: Թուրքական ատոմակայաններն էլեկտրաէներգիա կարտադրեն մինչև 2019 թվականը, իսկ մինչև 2023 թվականը (Թուրքիայի Հանրապետության հիմնադրման 100-ամյակ)՝ կառուցել ևս մեկ ատոմակայան»:
Հիշեցնենք, որ միջերկրածովյան Մերսին նահանգի Աքքույու վայրում թուրքական առաջին ատոմակայանի կառուցումը վստահվել է Ռուսաստանին: Դրա կառուցման համաձայնագիրը ստորագրվել է 2010 թվականին: Ատոմակայանն ունենալու է 4 էներգաբլոկ, որոնցից յուրաքանչյուրի հզորությունը կազմելու է 1200 մեգավատտ:
Թուրքիան ներկայումս սևծովյան Սինոպում կառուցվելիք իր երկրորդ ատոմակայանի կառուցման շուրջ բանակցություններ է վարում Ճապոնիայի, Կանադայի, Չինաստանի ու Հարավային Կորեայի հետ: Թուրքական երրորդ ատոմակայանն էլ կառուցվել է եվրոպական հատվածում գտնվող Իղնեադա վայրում:
