Սիրիական ճգնաժամը շարունակում է մնալ ՄԱԿ-ի ԱԽ ուշադրության կենտրոնում, Ռուսաստանը կոչ է անում Անվտանգության խորհրդի բոլոր գործընկերներին վերադառնալ այն դիրքերին, որոնք ամրագրված են ժնևյան հանդիպման կոմյունիկեի արդյունքներով, հայտարարում են ՌԴ ԱԳՆ-ում:
«Մոսկվայում ուշադրություն են դարձրել ՄԱԿ-ի գլխավոր քարտուղար Պան Գի Մունի՝ սեպտեմբերի 5-ին կատարած այն հայտարարությանը, ըստ որի՝ «խորհրդի կաթվածը վնաս է հասցնում սիրիացի ժողովրդին ու խաթարում է ՄԱԿ-ի ԱԽ նկատմամբ վստահությունը»: Հայտարարությունն արվել էր ՄԱԿ-ի Գլխավոր ասամբլեայում ոչ պաշտոնական ինտերակտիվ քննարկման ժամանակ»,- նշված է ՌԴ արտաքին գերատեսչության կայքում տեղակայված հաղորդագրության մեջ:
Հաղորդագրության մեջ ընդգծվում է, որ «սիրիական ճգնաժամը մնում է ՄԱԿ-ի ԱԽ ուշադրության կենտրոնում»: ՌԴ ԱԳՆ-ում ընդգծել են, որ այն միջոցառումները, որոնք ձեռնարկում է միջազգային հանրությունը սիրիական խնդրի խաղաղ կարգավորման առնչությամբ, դուռ են բացում բռնությունը դադարեցնելու ու քաղաքական երկխոսություն սկսելու համար:
