Թենիսի աշխարհի առաջին ռակետ Վիկտորիա Ազարենկոն խոսել է իր մարզչի մասին, որի հետ արդեն երեք տարի է՝ աշխատում է:
«Սկզբում շատ բարդ էր, քանի որ նախկին մարզչիս հետ աշխատել էի 4 տարի: Ես այն խաղացողներից եմ, որոնք չեն սիրում փոխել իրենց մարզիչներին, նրանցից, ովքեր դժվարությամբ են այս հարցում որոշում կայացնում: Սակայն, եթե ես ընտրում եմ որևէ մեկին՝ որպես մարզչի, ապա մենք փոխհամաձայնության ենք գալիս, քանի որ ակնհայտ է լինում, որ ամեն ինչ հեշտ չի տրվելու:
Դրա համար շատ կարևոր է, որ այդ մարդը հավատա քեզ, քո հաջողությանը, որ նա քեզ հաջողություն մաղթի: Սեմի հետ ամեն ինչ հենց այսպես է: Մենք հասկանում ենք միմյանց, սակայն դրա համար երկար ժամանակ է պահանջվել մեզնից. ժամանակ, որ անհրաժեշտ է՝ իրար վստահելու համար»,- ասել է Ազարենկոն: