Ամերիկացի թենիսիստուհի Վինուս Ուիլյամսը բացատրել է իր՝ US Open մրցաշարի երկրորդ փուլի պարտության պատճառները: Նշենք, որ ամերիկուհին պարտություն կրեց Անժելիկա Կերբերից՝ 6:2, 5:7, 7:5 հաշվով:
«Ես ստիպված էի պայքարել, քանի որ վատ էի խաղում: Թվում էր՝ չէի կարողանում անընդմեջ երկու խաղ անցկացնել հաղթանակով. միշտ սխալվում էի: Ցուցանիշը նայել եմ. 60 սխալ: Այս պարագայում հաղթելը հեշտ չէ: Չնայած եթե մի քանի հաջորդական հարվածներ անեի, կարող էի նաև հաղթել: Ինքս ինձ հաղթեցի: Հիմա պետք է հասկանամ՝ ինչ տեղի ունեցավ»,- ասել է Ուիլյամսը: