Իսպանական մամուլի հաղորդմամբ՝ Մադրիդի «Ռեալ»-ի մարզչական անձնակազմն ու երկրպագուները ուրախ լուր են ստացել:
Թիմի կենտրոնական պաշտպան Պեպեն այլևս խնդիրներ չունի ու միացել է «Ռեալ»-ին: Բժիշկները չեն բացառում, որ Պեպեն ի վիճակի կլինի հենց առաջին րոպեից խաղադաշտում լինել «Ռեալ»-«Բարսելոնա» պատասխան հանդիպմանը:
Հիշեցնենք, որ Պեպեն գլխի վնասվածք էր ստացել Իսպանիայի առաջնության առաջին տուրում՝ «Վալենսիա»-ի հետ հանդիպման ժամանակ՝ բախվելով Իկեր Կասիլյասին: Այդ վնասվածքից հետո ակնկալվում էր, որ Պեպեից երկար ժամանակ կպահանջվի ապաքինվելու համար:
Տեղեկատվություն շրջանառվեց նաև այն մասին, թե իբր Պեպեն հիշողության կորուստ է ունեցել, անգամ թիմի խաղացողներին ու մյուս անդամներին հարցրել է. «Իմ անունը Պաբլո՞ է, ի՞նչ եմ անում այստեղ»:
Այդ դեպքից հետո նա անմիջապես տեղափոխվեց հիվանդանոց, սակայն վիճակն այժմ լավ է:
