Այսօր Օրանժ Թենիս ակումբում տեղի ունեցան Ալեքսանդր Ծատուրյանի Հուշամրցաշարի ( մինչև 14,16 տարեկան տղաների ու աղջիկների միջազգային մրցաշարի) զուգախաղերի եզրափակիչները:
Մինչև 16 տարեկան տղաների զուգախաղի եզրափակչում մեր հայրենակիցներ Բաղդասարյան Սուրեն/Ղազարյան Արտակ զույգը մրցում էր Վրաստանը ներկայացնող Իրակլի Մետրեվելի/ Ալեքսանդր Բաքշի զույգի հետ: Գրեթե հավասար պայքարի արդյունքում վրացիներն ունեցան հաղթանակ 7:5, 3:6, 11:9 հաշվով:
Վաղը տեղի կունենան մրցաշարի անհատական խաղերի եզրափակիչները: Եզրափակչում են հայ պատանի թենիսիստներ.
Մինչև 14 տարեկան աղջիկների եզրափակիչ`
Զորանյան Լուսինե (Հայաստան )/ Մակարովա Տատյանա (Ռուսաստան)
Այնիտձինովա Գոզալ/ Շեվչենկո Դարիա (Ղազախստան)
Մինչև 14 տղաների եզրափակիչ`
Եդիգարյան Դավիթ(Հայաստան ) / Բլոխին Ռոման (Ռուսաստան)
Ռայնին Անատոլիյ/ Սիրուս Ռեեգեն (Ուկրաինա)
Հիշեցնենք, որ Հայաստանի Թենիսի Ֆեդերացիան և Միջազգային Թենիսի Ֆեդերացիան հուլիսի 30-ից Երևանում` Օրանժ Թենիս ակումբում, անցկացնում են միջազգային պատանեկան հինգ մրցումներ: Առաջին անգամ են Երևանում անցկացվում իրար հաջորդող հինգ միջազգային մրցաշարեր : Այս տարի մրցաշարերի մասնակիցների քանակն ու ներկայացվող երկրները աննախադեպ շատ են` 138 մասնակից 16 երկրներից` Միացյալ Նահագներ, Քաթար, Իտալիա, Ավստրալիա,Լեհաստան, Ռուսաստան և այլն: Մրցաշարերի գլխավոր մրցավարն է Դավթյան Գրիգորը:
