«Չելսի»-ն չկարողացավ հաղթահարել «Էվերտոն»-ի արգելքը: Լոնդոնի «Սթենֆորդ Բրիջ» մարզադաշտում կայացած հանդիպման հիմնական ժամանակն ավարտվեց ոչ-ոքի` 0:0 հաշվով: Ավելացված ժամանակի 23-րդ րոպեին Լեմպարդն առաջ մղեց «ազնվականներ»-ին, բայց 119-րդ րոպեին հյուրերի պաշտպան Լեյթոն Բեյնսը խփեց պատասխան գնդակը: 11-մետրանոց հարվածաշարն ավելի դիպուկ իրացրեցին «Էվերտոն»-ի ֆուտբոլիստները: «Էվերտոնը» 1/8 եզրափակիչում է, որտեղ մարտի 1-ին կհանդիպի «Ռեդինգ»-ի հետ:
«Մանչեսթր Յունայթեդ»-ն «Օլդ Թրաֆորդ»-ում ընդունեց «Քրոուլի»-ին: «Սատանաներ»-ը չնայած երկրորդ կազմով, մեծ դժվարությամբ հաղթեցին Անգլիայի 5-րդ դիվիզիոնը ներկայացնող թիմին: Հանդիպման միակ գոլը 28-րդ րոպեին խփեց Ուես Բրաունը: «Մանչեսթր Յունայթեդ»-ը քառորդ եզրափակիչում է:
Երեկ քառորդ եզրափակիչի ուղեգրեր ձեռք բերեցին նաև «Բիրմինհեմ»-ն ու «Սթոուք»-ը: Երկուսն էլ սեփական հարկի տակ նույն` 3:0 հաշվով առավելության հասան համապատասխանաբար «Շեֆիլդ»-ի և «Բրայթոն»-ի նկատմամբ:
Անգլիայի գավաթի խաղարկության ևս չորս հանդիպումներ կկայանան այսօր և վաղը. «Մանչեսթր Սիթի»-ն կընդունի «Նոթս Քաունթի»-ին, «Ֆուլհեմ»-ը` «Բոլթոն»-ին, «Վեսթ Հեմ»-ը` «Բըրնլի»-ին, իսկ «Արսենալ»-ը կհյուրընկալվի «Լեյթոն Օրիենթ»-ին:
