73-ամյա Միկ Ջագերը շուտով ութերորդ անգամ հայր կդառնա։ Երեխայի մայրը 30-ամյա բալետի պարուհի Մելանի Համրիքն է։ Օրերս լրագրողները լուսանկարել են ապագա մայրիկին զբոսանքի ժամանակ, սակայն Միկը նրա հետ չի եղել։ Զույգի սիրավեպը շատ կարճ է տևել, բայց Ջագերը նյութապես կաջակցի ապագա երեխային և նրա մայրիկին։
ԶԼՄ-ների փոխանցմամբ՝ աշխարհահռչակ ռոքերը նոր սիրավեպ է սկսել 27-ամյա ազգությամբ ռուս Մաշա Ռուդենկոյի հետ։ Տեղեկատվության համաձայն՝ Ջագերն իր ազատ ժամանակի մեծ մասն անցկացնում է Մաշայի հետ։
Միկը և Մաշան ծանոթացել են դեռևս երկու տարի առաջ ընդհանուր ընկերների երեկույթի ժամանակ, բայց սիրավեպ նոր են սկսել։ Վերջերս զույգը Կալիֆոռնիայում միասին մասնակցել է Desert Trip փառատոնին։
