Հայաստանի կառավարությունում novayagazeta.ru-ի աղբյուրները հայտնել են, որ Ավետիսյանների ընտանիքին սպանած ռուս զինվոր Վալերի Պերմյակովին կդատեն Հայաստանի տարածքում, սակայն նրան դատելու է ռուսական Ռազմական ոստիկանությունը: Վճռի կայացումից հետո հանցագործին պատիժը կրելու համար Ռուսաստան կուղարկեն, գրում է պարբերականը:
Այս տեղեկատվությունը պաշտոնական հաստատում դեռ չի ստացել: Ինչպես հայտնի է դարձել, որոշումը կայացվել է երկկողմ բանակցությունների արդյունքում: Հայտնի է, որ Ռուսաստանի Քննչական կոմիտեի ղեկավար Ալեքսանդր Բաստրիկինն այսօր Երևան է ժամանել:
