Մեքսիկայում ավարտվել է ԱՄՆ-ից և Կանադայից արքա-թիթեռների զանգվածային գաղթը: Այժմ այս առեղծվածային տեսակի թիթեռները բնակվելու են Մարիպոսա-Մոնարկա արգելոցում, որը գտնվում է Միչոական և Մեխիկո նահանգներում:
Ինչպես հայտնում է РБК-ն, սովորաբար միգրացիայի ժամանակ, որն սկսվում է աշնան սկզբին, արքա-թիթեռները հաղթահարում են մինչև 4 հազար կիլոմետր տարածություն: Կիսաքնած վիճակում, ամուր կպած ծառերին, նրանք Մեքսիկայում մնում են մինչև գարուն: Մարտին, երբ եղանակները տաքանում են, թիթեռները ավելի են ակտիվանում և վերադառնում են ԱՄՆ ու Կանադա:
Ամեն տարի, երբ ավարտվում է միգրացիան, Մարիպոսա-Մոնարկան իր դռներն է բացում այցելուների առաջ:
Պետք է նշել, որ գիտնականները մինչև օրս փորձում են բացահայտել արքա-թիթեռների առեղծվածը: Հատկանշական է, որ թիթեռների նոր սերնդի կյանքի տևողությունը չորս շաբաթ է, իսկ հինգերորդ սերունդն ապրում է յոթ ամիս: Զարմանալի է նաև այն փաստը, որ յուրաքանչյուր թիթեռ թռչում է նույն ծառի վրա, որտեղ մեկ տարի առաջ ձմեռել էր իր նախնին:
