Ֆրանսիայում անցած հանգստյան օրերին կայացել են «Ազգային հարստության օրվան» նվիրված տոնակատարություններ, որոնք այս երկրում նշվում են արդեն 28-րդ տարին անընդմեջ: Այս օրերին բոլոր ֆրանսիացիները կարող են ներսից տեսնել բոլոր այն շենքերը, որոնք սովորական օրերին փակ են հասարակ մահկանացուների համար` Ելիսեյան պալատ, Սենատ, Ֆրանսիայի կենտրոնական բանկ, կառավարական շենքեր ու շինություններ և այլն: Ընդհանուր առմամբ, 15 հազար վայր, որոնք հայտարարված են ազգային հարստություն:
Շաբաթ օրը Ֆրանսիայի նախագահ Նիկոլա Սարկոզին և նրա կինը` Կարլա Բրունին, դիմավորում էին ֆրանսիացիներին և քաղաքի հյուրերին նախագահական Ելիսեյան պալատում` անձամբ շփվելով նրանց հետ: Կարլա Բրունին արդեն զգալի «կլորացել է» և նախատեսվում է, որ մեկ ամսից նախագահական ընտանիքիում համալրում կլինի: