ԿԺԴՀ առաջնորդ Կիմ Չեն Ընի կինն ինը ամիս է, ինչ հասարակության մեջ չի երևում: Այս փաստը նրա ճակատագրի վերաբերյալ լրատվամիջոցներում բազմաթիվ շահարկումների տեղիք է տվել:
Վերջին անգամ 31-ամյա Լի Սոլ-Չժուն Հյուսիսային Կորեայի պետական լրատվամիջոցների կողմից նկատվել է 2020թ.-ի հունվարի 25-ին: Այն ժամանակ նա իր ամուսինու հետ միասին Փհենյանի թատրոնում մասնակցել էր Ամանորի ներկայացման:
Նրա անհետացումը կապված է երկու հնարավոր գործոնների հետ: Կամ նա ծանր հիվանդ է, կամ մահապատժի է ենթարկվել հենց Կիմ Չեն Ընի կողմից, հայտնում է The Sun-ը:
Կան նաև ավելի խաղաղ տեսություններ: Ոմանք կարծում են, որ Լի Սոլ-Չժուն հոգ է տանում իր ամուսնու տարեց քեռակնոջ՝ Կիմ Գեն Հիին: 2011թ.-ին Կիմ Չեն Ընը մահապատժի է ենթարկել նրա ամուսնուն`իր քեռուն` Չան Սոն Թխեկին: Նրան մեղադրում էին պետական հեղաշրջման փորձի մեջ:
Մինչ այդ, 2020թ.-ին մամուլում լուրեր էին շրջանառվում հենց իր՝ Կիմ Չեն Ընի անհետացման մասին: Որոշ լրատվամիջոցներ նույնիսկ պնդում էին, որ Հյուսիսային Կորեայի առաջնորդը մահացել է: Այնուամենայնիվ, վերջին շաբաթների ընթացքում լուսանկարներ են հայտնվել նոր իրադարձություններից, որոնց մասնակցում է ԿԺԴՀ ղեկավարը, այդ պատճառով էլ նրա հնարավոր հեռացման մասին խոսակցությունները հանդարտվել են:
