ՄԱԿ անդամ երկրներում մարտի 20-ը նշվում է որպես երջանկության միջազգային օր: ՄԱԿ-ի Գլխավոր ասամբլեան մարտի 20-ը երջանկության օր է ճանաչել 2012 թ-ին:
Մարտի 20-ը երջանկության միջազգային օր ճանաչելու որոշումը միաձայն կայացվել էր ՄԱԿ-ի անդամ 193 պետությունների ներկայացուցիչների կողմից:
Երջանկության համաշխարհային զեկույցում, որը պատրաստվել է ՄԱԿ-ի պատվերով, աշխարհում ամենաերջանիկ երկիրը Նորվեգիան է: Հայաստանը 155 երկրների ցանկում զբաղեցրել է 121-րդ հորիզոնականը:
Վարկանիշային աղյուսակը կազմելիս հետազոտողները հաշվի են առել մի քանի գործոն՝ ՀՆԱ, կյանքի միջին տևողություն, բարդ իրավիճակներում սոցիալական աջակցություն, վստայություն կառավարության հանդեպ և այլն: Աշխարհի երկրորդ ամենաերջանիկ երկիրը Դանիան է, որին հաջորդում է Իսլանդիան, Շվեյցարիան, Ֆինլանդիան, Նիդերլանդները, Կանադան, Նոր Զելանդիան, Ավստրալիան և Շվեդիան:
Վարկանիշը եզրափակում են Ռուանդան, Սիրիան, Տանզանիան, Բուրունդին, վերջին տեղում գտնվում է Կենտրոնաաֆրիկյան Հանրապետությունը:
